ڈیلیٹ کیے گئے ایس ایم ایس واپس لائیں

کتنی دفعہ ایسا ہوتا ہے کہ آپ کے موبائل کا ان باکس بھر گیا اور آپ نے اس کو خالی کرنے کے لیے ڈیلیٹ آل کا بٹن دبا دیا۔ جب تمام پیغامات ڈیلیٹ ہوگئے ،تو آپ کو اچانک یاد آیا کہ اس میں کچھ اہم پیغامات بھی تھے، جن کی آپ کو ضرورت تھی، لیکن اب پچھتائے کیا ہوت جب چڑیا چک گئیں کھیت۔ جی نہیں، اگر آپ اینڈروئیڈ سمارٹ فون استعمال کرتے ہیں ،تو اب پچھتانے کی کوئی ضرورت نہیں کیونکہ اگر آپ نے غلطی سے کسی ایسے ایس ایم ایس کو ڈیلیٹ کر دیا ہے، جس میں کوئی ضروری معلومات تھیں، تو زیادہ پریشان ہونے کی ضرورت نہیں۔

 آپ اینڈروئیڈ سمارٹ فونز کے ذریعے آپ اپنے ڈیلیٹ کیے ہوئے پیغامات بھی واپس حاصل کرسکتے ہیں،جس طرح کمپیوٹرپر آپ کی ڈیلیٹ کی ہوئی فائل ٹریش بن میں چلی جاتی ہے ، ٹھیک اسی طرح اینڈروئیڈ سمارٹ فون پر بھی ہوتا ہے۔ ان فونز پر تمام ڈیلیٹ کیے گئے پیغامات مختصر وقت کے لیے فون میں ہی محفوظ رہتے ہیں اور آپ ان تمام پیغامات کو ڈیٹا ریکوری سافٹ وئیر استعمال کرتے ہوئے دوبارہ حاصل کرسکتے ہیں۔ ڈیٹا ریکوری سافٹ وئیرز آپ کے فون کی سکینگ کر کے ڈیلیٹ کیا گیا ،مواد ڈھونڈ لیتے ہیں۔ 

اس کے لیے آپ ایس ایم ایس بیک ، اینڈروئیڈ ریکوری یا ڈیٹا ریکوری جیسی ایپس استعمال کرسکتے ہیں۔ اگر چہ ڈیلیٹ کیے گئے پیغامات بہت مختصر وقت کے لیے فون میں محفوظ رہتے ہیں ، اس لیے اس بات کی کوئی گارنٹی نہیں کہ آپ کی جانب سے ’’دھتکارا گیا‘‘ پیغام تمام رنجشیں بھلا کر دوبارہ آپ کے پاس آہی جائے ،لیکن کوشش تو کی جاسکتی ہے ناں۔

ویسے آپ کو بتاتے چلیں کہ پیغامات کو محفوظ کرنا تمام فون کمپنیوں کے لیے قانوناً لازمی ہے، لہٰذا اگر ایسا کوئی بھی میسج ہے، جس کی آپ کو قانوناً ضرورت ہے، تو موبائل فون کمپنی وہ پیغام ایس ایم ایس آپ کو دینے کی پابند ہے ،لیکن اس کے لیے آپ کو دستاویزی طور پر یہ ثابت کرنا ہوگا کہ آپ اس پیغام کو عدالت میں پیش کرنا چاہتے ہیں۔
سلیم اللہ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s